تلقى مركز الأرض صرخات عشرات الأمهات والزوجات القاطنين ببرج مغيزل التابعة لمركز مطوبس بمحافظة كفر الشيخ، يتضررون فيها من قيام قوات الأمن بمهاجمة بيوتهم وترويع أطفالهم والقبض على أبنائهن وأزواجهن من الصيادين واعتقالهم بدون وجه حق.
تقول زوجة المواطن/ اكرم أسعد غريب فى شكواها للمركز: " يوم 24/2 /2008 الساعة يجى 3 بالليل لقينا المباحث داخله علينا وهاجمت على الأطفال وعلى زوجى واخدوه من فرشته بات فى القسم وعرضوه على النيابة وأخلت سبيله علشان مفيش تهمه، رجع من المركز على المديرية بكفر الشيخ،وفى المديرية عذبوه وضربوه واخر بهدلة وبعدين رحلوه على برج العرب بأمر إعتقال. وبنعمل التظلم كل 3 شهور ويطلع براءة وبردوا لسه محبوس" وتستكمل باكية: "جوزى صياد ارزقى معندناش مركب ولا مورد رزق وادينا عايشين ربنا بيبعت لنا من عنده وانا عندى ولد وبنتين بنت منهم ولدتها وابوها فى المعتقل" وقد تقدم مركز الارض لزوجة المواطن ببلاغ لمكتب النائب العام رقم 20243 فى 29/12/2008 للتحقيق فى واقعة التعذب وتطبيق احكام القانون ولم يفرج عنه حتى الان .
أما الحاجة/ كريمة أم احمد محمد اسماعيل فهى تقول فى شكواها للمركز : "ابنى عنده 20 سنة وكان عامل ورق ورايح ليبيا، واحد قاله سافر معاى على إيطاليا، واتقبض عليه فى ايطاليا 15 يوم واترحل على مطار القاهرة وكلمنى قلتله اقوملك محامى قالى مش محتاجه محامى وقعدت اسبوع وكلمنى قال ياما اخدت 15 يوم وبعدين جه محكمة دمنهور واتصل بى وقال خلصت ياما وتعالى اضمنينى وخدينى رحت أقابل الضابط رفض وعرفت انهم رحلوه على مركز رشيد 15 يوم تانى، جبت محامى قدم تظلم فى نيابة رشيد ونزل النيابة اديته يومين وخرج براءة من نيابة رشيد واحتجزوه فى قسم رشيد 17 يوم وقالى عذبونى ياما وضربونى بدون سبب وبعد كده اعتقلوه فى برج العرب من 27/12/2008" وتستكمل ناحبة: "إبنى اللى بيوكلنى وأبوة تعبان بالقلب وهو اللى بيصرف علينا وانا خرجت فى التليفزيون فى قناة الحياة اليوم وقولت مشكلتى ومحدش عملى حاجة". وقد تقدم المركز للأم ببلاغ لمكتب العام رقم 20249 فى 30/12/2008 للتحقيق فى واقعة التعذيب وتنفيذ احكام القانون ولم يفرج عنه حتى الان .
وتذكر زوجة المواطن/ حسن شعبان احمد عبد القادر شكواها وتقول: "جوزى صياد عنده 30 سنة وعندنا 4 عيال عايشين فى حالنا ودايما بيطلع على المركب ويسرح ، ومرة اتمسك فى ايطاليا ومعاه طقم المركب كله 12 فرد أو 14 قعدوا 4 شهور فى ايطاليا مقبوض عليهم وبعدين اترحلوا على مصر مسكوهم فى المطار وحولوهم 20 يوم على سجن أبو زعبل وبعدين على مركز مطوبس خالصين، فى مطوبس طلعوا الناس كلهم ماعدا الريس حسن جوزى والميكانيكى محمد وافرجوا عن الباقى فى 26/9/2008". والمصيبة ان ازواجنا صيادين وعمال على المركب اتمسكوا وصاحب المركز طلع ...مش ظلم ده لما يسيبوا السماسرة واصحاب المراكب وتجار البشر ويمسكوا العمال اللى ملهمش ذنب وياريت على الحبس وبس دا قال لى ضربونى الضباط والخبرين وعذبونا علشان بنسأل احنا محبوسين ليه؟ وتلتقط الحوار زوجة الميكانيكى الصياد المقبوض عليه محمد أحمد البهلوان قائلة" جوزى اتمسك مع حسن شعبان من 4 شهور واعتقلوه وهو واخد براءة ومفيش عليه قضايا أو أى أحكام، ومعاى 5 عيال كلهم فى المدارس وبعت كل ما أملك وملقتش حد استلف منه ماهم خدوا كل رجالة البرج وبقالى شهر مش عارفة أزوره ، وحتى الزيارة بهدلة فى برج العرب ومفيش زيارة خاصة وبشوفه انا والعيال من السلك والبت 7 سنين مبتطولش ابوها تبوسه من السلك وهى تعيط وهو يعيط" وقد تقدم المركز ببلاغ لمكتب النائب العام رقم 7 لـ2009 فى 1/1/2009 للتحقيق فى وقائع التعذيب والاهانة والالتزام بتنفيذ احكام القانون والافراج عن المعتقلين وحتى اليوم لم يتم اخلاء سبيلهم على الرغم من احكام البراءة .
وتتساءل نساء برج مغيزل لماذا أخذوا أزواجنا وأبنائنا بدون وجه حق ويقومون بتعذيبهم واساءة معاملتهم وضربهم دون ذنب ؟ وليه يأخذوا صياد على باب الله ويعتقلوهم هم مش مجرمين دول صيادين!!؟؟.
والمركز يتساءل لماذا يتم إعتقال الصيادين رغم احكام البراءة التى حصلوا عليها من المحاكم؟!.
وقد تقدم المركز بشكوى لوزير العدل ووزير الداخلية وتظلم لشئون المعتقلين للتحقيق فى وقائع التعذيب واساءة المعاملة ضد زوجات وابناء واباء المعتقلين والافراج عنهم بعد صدور احكام قضائية ببراءتهم والالتزام بتطبيق احكام القانون .
ويطالب المركز منظمات المجتمع المدنى واعضاء مجلس الشعب والشورى بسرعة التدخل والافراج عن الصيادين المعتقلين حماية لأسرهم وكفالة لحقهم فى العيش بحرية وأمان.
لمزيد من المعلومات رجاء الاتصال بالمركز
تليفون وفاكس / 25750470
البريد الإلكتروني:Lchr@thewayout.net – lchr@lchr-eg.org
الموقع : www.Lchr-eg.org
تقول زوجة المواطن/ اكرم أسعد غريب فى شكواها للمركز: " يوم 24/2 /2008 الساعة يجى 3 بالليل لقينا المباحث داخله علينا وهاجمت على الأطفال وعلى زوجى واخدوه من فرشته بات فى القسم وعرضوه على النيابة وأخلت سبيله علشان مفيش تهمه، رجع من المركز على المديرية بكفر الشيخ،وفى المديرية عذبوه وضربوه واخر بهدلة وبعدين رحلوه على برج العرب بأمر إعتقال. وبنعمل التظلم كل 3 شهور ويطلع براءة وبردوا لسه محبوس" وتستكمل باكية: "جوزى صياد ارزقى معندناش مركب ولا مورد رزق وادينا عايشين ربنا بيبعت لنا من عنده وانا عندى ولد وبنتين بنت منهم ولدتها وابوها فى المعتقل" وقد تقدم مركز الارض لزوجة المواطن ببلاغ لمكتب النائب العام رقم 20243 فى 29/12/2008 للتحقيق فى واقعة التعذب وتطبيق احكام القانون ولم يفرج عنه حتى الان .
أما الحاجة/ كريمة أم احمد محمد اسماعيل فهى تقول فى شكواها للمركز : "ابنى عنده 20 سنة وكان عامل ورق ورايح ليبيا، واحد قاله سافر معاى على إيطاليا، واتقبض عليه فى ايطاليا 15 يوم واترحل على مطار القاهرة وكلمنى قلتله اقوملك محامى قالى مش محتاجه محامى وقعدت اسبوع وكلمنى قال ياما اخدت 15 يوم وبعدين جه محكمة دمنهور واتصل بى وقال خلصت ياما وتعالى اضمنينى وخدينى رحت أقابل الضابط رفض وعرفت انهم رحلوه على مركز رشيد 15 يوم تانى، جبت محامى قدم تظلم فى نيابة رشيد ونزل النيابة اديته يومين وخرج براءة من نيابة رشيد واحتجزوه فى قسم رشيد 17 يوم وقالى عذبونى ياما وضربونى بدون سبب وبعد كده اعتقلوه فى برج العرب من 27/12/2008" وتستكمل ناحبة: "إبنى اللى بيوكلنى وأبوة تعبان بالقلب وهو اللى بيصرف علينا وانا خرجت فى التليفزيون فى قناة الحياة اليوم وقولت مشكلتى ومحدش عملى حاجة". وقد تقدم المركز للأم ببلاغ لمكتب العام رقم 20249 فى 30/12/2008 للتحقيق فى واقعة التعذيب وتنفيذ احكام القانون ولم يفرج عنه حتى الان .
وتذكر زوجة المواطن/ حسن شعبان احمد عبد القادر شكواها وتقول: "جوزى صياد عنده 30 سنة وعندنا 4 عيال عايشين فى حالنا ودايما بيطلع على المركب ويسرح ، ومرة اتمسك فى ايطاليا ومعاه طقم المركب كله 12 فرد أو 14 قعدوا 4 شهور فى ايطاليا مقبوض عليهم وبعدين اترحلوا على مصر مسكوهم فى المطار وحولوهم 20 يوم على سجن أبو زعبل وبعدين على مركز مطوبس خالصين، فى مطوبس طلعوا الناس كلهم ماعدا الريس حسن جوزى والميكانيكى محمد وافرجوا عن الباقى فى 26/9/2008". والمصيبة ان ازواجنا صيادين وعمال على المركب اتمسكوا وصاحب المركز طلع ...مش ظلم ده لما يسيبوا السماسرة واصحاب المراكب وتجار البشر ويمسكوا العمال اللى ملهمش ذنب وياريت على الحبس وبس دا قال لى ضربونى الضباط والخبرين وعذبونا علشان بنسأل احنا محبوسين ليه؟ وتلتقط الحوار زوجة الميكانيكى الصياد المقبوض عليه محمد أحمد البهلوان قائلة" جوزى اتمسك مع حسن شعبان من 4 شهور واعتقلوه وهو واخد براءة ومفيش عليه قضايا أو أى أحكام، ومعاى 5 عيال كلهم فى المدارس وبعت كل ما أملك وملقتش حد استلف منه ماهم خدوا كل رجالة البرج وبقالى شهر مش عارفة أزوره ، وحتى الزيارة بهدلة فى برج العرب ومفيش زيارة خاصة وبشوفه انا والعيال من السلك والبت 7 سنين مبتطولش ابوها تبوسه من السلك وهى تعيط وهو يعيط" وقد تقدم المركز ببلاغ لمكتب النائب العام رقم 7 لـ2009 فى 1/1/2009 للتحقيق فى وقائع التعذيب والاهانة والالتزام بتنفيذ احكام القانون والافراج عن المعتقلين وحتى اليوم لم يتم اخلاء سبيلهم على الرغم من احكام البراءة .
وتتساءل نساء برج مغيزل لماذا أخذوا أزواجنا وأبنائنا بدون وجه حق ويقومون بتعذيبهم واساءة معاملتهم وضربهم دون ذنب ؟ وليه يأخذوا صياد على باب الله ويعتقلوهم هم مش مجرمين دول صيادين!!؟؟.
والمركز يتساءل لماذا يتم إعتقال الصيادين رغم احكام البراءة التى حصلوا عليها من المحاكم؟!.
وقد تقدم المركز بشكوى لوزير العدل ووزير الداخلية وتظلم لشئون المعتقلين للتحقيق فى وقائع التعذيب واساءة المعاملة ضد زوجات وابناء واباء المعتقلين والافراج عنهم بعد صدور احكام قضائية ببراءتهم والالتزام بتطبيق احكام القانون .
ويطالب المركز منظمات المجتمع المدنى واعضاء مجلس الشعب والشورى بسرعة التدخل والافراج عن الصيادين المعتقلين حماية لأسرهم وكفالة لحقهم فى العيش بحرية وأمان.
لمزيد من المعلومات رجاء الاتصال بالمركز
تليفون وفاكس / 25750470
البريد الإلكتروني:Lchr@thewayout.net – lchr@lchr-eg.org
الموقع : www.Lchr-eg.org
0 تعليقات:
إرسال تعليق